紅花嶺沒有紅花？

紅花嶺個名好武俠味，又叫麻雀嶺，還有個叫紅花寨，我起初以為紅花嶺係半山有條舊村落，但原來係一個山，咁嗰日的行程便是行山！

在上水搭往沙頭角小巴，中途落車開始上嶺！雖然已屬深秋，但除了早、晚較涼外，中午都好像夏天，沿著車路一路行一路汗流浹背，其實個山唔算太高，接近5百米，朋友與我一路行一路影相，龜速地前進，終於不到兩個鐘已到車路頂，據說山頂車路盡頭開始行那個山才是紅花嶺，但我們無諗過咁熱咁晒，所以預糧水唔多，結果行到車路盡的電視發射站便原路下山。

紅花嶺o既紅花原來指吊鐘花，但聽村民講山上已沒太多吊鐘花了

開始起步就經過這個公園

跟著就是紅葉

一路向上行

紅花嶺紅花是大紅花嗎？非也！

沿途都有各種類植物

山巒

遠望沙頭角下坑村，那裡有一間古老大屋



 

除了偶爾遇到行山客外，還有不少人踩單車上山

終於望見家鄉，看到電視發射站

上到接近電視發射站上，有一塊平地，不知是否邊境軍用直昇機場呢？有一些人在此露營，那種在車上露營香港少見，車頂是卧舖，還帶備很多食物！

在紅花嶺上可以望到深圳那一邊

由於那天太熱，我們未預備足夠糧水，所以逗留了一陣便原路回程

回程遇到一個業餘採蜜大叔，他很多時周圍去採蜜，今次就沒有收穫

那天我們都幾幸運，落到山腳，遇到一個收工的大叔，問起他附近有沒有士多，他問我們是否不夠水？之後便隨即在工作間取了三支水給我們，荒漠甘泉，真係多謝大叔!!!